Open Folkekyrkje held på fleirtalet i Kyrkjemøtet
Det endelege resultatet av kyrkjevalet er offentleggjort av valråda i bispedømmeråda. Open Folkekyrkje beheld fleirtalet med 39 av lekmedlemmene.
Vidare har Nominasjonskomiteens liste fått 29 nye mandat, medan Bønnelista fekk ni mandat i Kyrkjemøtet.
Det er 114 faste medlemmer i det nye Kyrkjemøtet. I tillegg er òg preses i Bispemøtet og leiar av Samisk kyrkjeråd faste medlemmer.
Det nye Kyrkjemøtet trer i kraft 1. januar 2020. Dei har det første møtet sitt i Trondheim 22. til 27. april same år.
Valdeltakinga var på 12,7 prosent under årets kyrkjeval, medan tilsvarande tal i 2015 var 15,1 prosent.
(©NPK)
Kyrkjevalet vart halde samstundes med kommune- og fylkesvalet tidlegare denne månaden. Arkivfoto: Tor Erik Schrøder / NTB scanpix