Operastranda i Bjørvika har opna
Oslo får endeleg si eiga bystrand i Bjørvika – Operastranda. Den 100 meter lange sandstranda og friområdet vart overrekt til kommunen fredag.
Bjørvika Utvikling, Hav Eiendom og Oslo S Utvikling står bak friområdet ved Operaen.
Utviklarane har gjort sitt for å skape ein inkluderande samlingsstad for både store og små. Opninga skjer over to dagar, i samarbeid med Bjørvikaforeningen.
På opningsdagen vart den nye stranda overlevert til kommunen og befolkninga i byen. Ordførar Marianne Borgen (SV), næringsbyråd Victoria Marie Evensen (Ap), Kjell Kalland frå Hav Eiendom og Sarah Khalid frå sentralt ungdomsråd deltok i seremonien.
(©NPK)
Oslos nye bystrand i Bjørvika blei overrekt til kommunen fredag. Foto: Ørn E. Borgen / NTB
Oslos ordførar Marianne Borgen heldt tale under opninga av Operastranda i Bjørvika. Foto: Jil Yngland / NTB
Administrerande direktør Synnøve Lyssand Sandberg i Oslo S Utvikling heldt tale under opninga av den 100 meter lange Operastranda i Bjørvika. Foto: Jil Yngland / NTB