Oslo Børs fall nesten 2 prosent

(NPK-NTB): Oslo Børs følgde oljeprisen nedover og fall kraftig tysdag. Ved stengjetid var hovudindeksen gått ned 1,86 prosent til 597,29 poeng.

npk@npk.no

Publisert: 05.07.2016 kl 17:38

Samtidig som den sterkt oljesensitive hovudindeksen på ny dukka under 600-poengslinja, vart eit fat nordsjøolje selt for 47,95 dollar, meir enn 2 dollar mindre enn måndag ettermiddag. Fallet kjem av større produksjon enn venta i Nigeria og uvisse rundt brexit-tiltak.

Alle av dei ti mest omsette selskapa i Oslo fall i verdi. Storebrand og Subsea 7 tapte mest, med fall på høvesvis 4,5 og 4 prosent.

Også i Europa var det raude tal tysdag. Unntaket var FTSE 100 i London, som steig 0,3 prosent. CAC 40 i Paris fall 2 prosent. DAX 30 i Frankfurt enda med ein nedgang 1,9 prosent. (©NPK)