Oslo Børs på staden kvil

Hovudindeksen Oslo Børs starta veka omtrent der han avslutta den førre, berre opp 0,03 prosent til 893,81 poeng.

Equinor toppar omsetningslista, og før børsen stengde auka aksjen med 0,2 prosent til 221,30 kroner. Også Marine Harvest (+2,2) og DNO (+4,6) var blant vinnarane måndag.

Taparane er Aker BP og DNB, som fall høvesvis 1,4 prosent og 0,4 prosent.

Til saman blei det måndag omsett aksjar og eigenkapitalbevis for 4,26 milliardar kroner.

Ved dei tonegjevande børsane i Frankfurt, Paris og London er det også lita rørsle. DAX 30 i Frankfurt auka med 0,5 prosent, FTSE 100 i London gjekk opp 0,2 prosent og CAC 40 i Paris gjekk ned 0,01 prosent.

Nordsjøolje blei ved børsslutt måndag omsett for 80,3 dollar fatet på spotmarknaden. Amerikansk lettolje blei omsett for 71 dollar på spotmarknaden.

(©NPK)

Illustrasjonsfoto: Erik Johansen / NTB scanpix