OSSE-tilsett sakna i Aust-Ukraina

Den tilsette returnerte ikkje frå ferie tysdag og blir visstnok halden fanga i dei russiskstøtta opprørarane hovudstad Donetsk.

Mannen arbeider som sjåfør for observatørkorpset som Organisasjonen for sikkerheit og samarbeid i Europa (OSSE) har i Ukraina.

– Vi er i kontakt med alle relevante aktørar for å løyse denne saka. Vi krev at han straks og utan atterhald blir lauslaten, heiter det i ei kunngjering frå OSSE.

Den bortførte mannen arbeider ifølgje kjelder som sjåfør for OSSE-observatørane og bur i den opprørskontrollerte naboregionen Lugansk.

Ei rad OSSE-observatørar og andre utlendingar har tidlegare blitt tatt til fange av dei russiskstøtta opprørarane. Vanlegvis blir dei sette fri etter veker og til tider også månader med forhandlingar. (©NPK)