Ould-Saada blir TV 2-korrespondent i Manchester
TV 2 styrkjer laget som dekkjer engelsk fotball og tilset Arilas Berg Ould-Saada som ny korrespondent i Manchester.
24-åringen kjem frå VG, der han har arbeidd sidan 2015, dei siste åra som korrespondent i Manchester for å følgje Ole Gunnar Solskjærs rolle som Manchester United-manager.
I ei pressemelding opplyser TV 2 at Ould-Saada får hovudansvaret for fotballnyheitsdekninga til kanalen med særleg vekt på dei største norske profilane.
– For TV 2 Sporten er dette eit skup. Arilas er det største journalistiske talentet eg har sett på mange, mange år, og han styrkjer oss på nyheitsjakt, kjeldenett og journalistisk teft. I tillegg har han verdifull digital kompetanse som løftar oss endå eit hakk, seier sportsredaktør Vegard Jansen Hagen i TV 2.
(©NPK)
Manager Ole Gunnar Solskjær på treningsfeltet på Carrington. Foto: Terje Pedersen / NTB scanpix