Over 1.500 straffesaker i samband med korona
Politiet hadde til og med onsdag denne veka registrert totalt 1.593 straffesaker knytt til korona. 1.084 av dei dreier seg om brot på smittevernforskriftene.
– Dette dreier seg mellom anna om brot på karantene etter innreise, brot på annan karantene, isolering, opphald på fritidseigedom og brot på kommunale forskrifter, skriv politiet på nettsidene sine.
Resten av sakene er mellom anna tilknytt utlendingslova (114 saker), ulike bedrageri (97 saker), omsynslaus åtferd (56 saker), smitteoverføring (54 saker) og truslar (32 saker).
Av dei registrerte sakene er 1.244 påtaleavgjorde, og 741 saker er avgjorde med ein kode som betyr at saka blir rekna som oppklart.
Til saman har politiet skrive ut 912 førelegg. I 133 saker er det bestemt at det skal takast ut anten tiltale, sikting for tilståingsdom, påtaleunnlating eller oversending til konfliktråd.
(©NPK)
Statsminister Erna Solberg (H) er blant dei som er blitt straffa for brot på koronaforskrifta. Foto: Stian Lysberg Solum / NTB