Over 100 evakuerte frå blokk i Oslo
(NPK-NTB): 114 personar måtte evakuerast på grunn av brann i ei blokk inne på området til Ullevål sjukehus i Oslo natt til fredag. Politiet kan ikkje sjå bort frå at brannen var påsett.
Det har brent i ei madrass inne i ei leilegheit, og det var røyk i ein korridor i åttande etasje. Seks personar vart sjekka av helsepersonell etter å ha fått i seg røyk, men dei er ikkje skadde, ifølgje Oslo politidistrikt.
Ifølgje NRK vart til saman 114 personar evakuert, og politiet ser ikkje vekk frå at brannen er påsett. (©NPK)