Over 700.000 koronadødsfall i Latin-Amerika
Meir enn 700.000 menneske har mista livet på grunn av covid-19 i Latin-Amerika og Karibia sidan pandemien braut ut, ifølgje ei oversikt frå nyheitsbyrået AFP.
Regionen, som består av 34 land og område i Sør- og Mellom-Amerika og Karibia pluss Mexico, har registrert 700.022 dødsfall. Det er berre Europa som har rapportert fleire koronarelaterte dødsfall.
Brasil og Mexico står for to tredelar av det totale dødstalet til regionen. Det dystre talet har stige jamt og trutt frå over 500.000 innan slutten av desember til 600.000 per 2. februar.
Brasil har registrert fleire enn 266.000 døde blant dei 11 millionar rapporterte smittetilfella i landet og er landet som er nest hardast ramma etter USA målt i talet på døde.
Globalt er nærare 117 millionar smitta og 2,26 millionar har døydd sidan desember 2019.
EMBED START Image Her kjem ein pasient til eit sjukehus i Brasilia i Brasil. Foto: Eraldo Peres / AP / NTB EMBED END Image(©NPK)