Øystatar truar med veto i klimaforhandlingane
Ei gruppe små øystatar og land som er spesielt sårbare for klimaendringar, truar med veto i klimaforhandlingane i Polen viss ikkje krava deira blir oppfylte.
Maldivanes tidlegare president Mohamed Nasheed uttalte fredag at utkastet til avtale som no sirkulerer i møteromma i Katowice, ikkje speglar røyndommen landa som ligg i frontlinja for klimaendringane står overfor.
- Vi er svært lite nøgt med den retninga samtalane går, seier Nasheed, og peikar på at partane ikkje er villige til å forplikte seg til eit mål om å hindre oppvarming ut over 1,5 grader.
Den tidlegare presidenten åtvarar om at alliansen av små øystatar, som han representerer, vil gjere opprør mot «utsletting».
- Viss nødvendig gjer vi opprør mot forhandlingane, seier han. Han seier gruppa ikkje vil forlate forhandlingsbordet, men heller legge ned veto.
(©NPK)
Leiaren for Maldivanes delegasjon til klimamøtet i Polen, Mohamed Nasheed, er ikkje fornøgd med retninga forhandlingane tar. Foto: Czarek Sokolowski / AP / NTB scanpix