Palestinar drepen i nytt israelsk luftangrep
Ein palestinar vart drepen i eit nytt israelsk luftangrep nord i Gaza tysdag ettermiddag, stadfestar helsedepartementet i Gaza.
Det var ein 25 år gammal palestinar som vart drepen i angrepet. Tre personar vart skadde.
Israel har tidlegare tysdag stadfesta at dei har angripe palestinske militante som førebudde nye rakettangrep, frå lufta.
Angrepet kjem etter at militante palestinske grupper har skote fleire rakettar frå Gaza mot Israel i kjølvatnet av at Baha Abu Al-Ata, leiaren i gruppa Islamsk heilag krig (jihad), vart drepen i eit luftangrep mot ein bustad i byen natt til tysdag.
Angrepa og rakettane aukar sjansen for ein vesentleg eskalering i konflikten mellom Israel og palestinske militante i Gaza.
(©NPK)