Paven ut mot innvandringskritikk og nasjonalisme
Det er «uakseptabelt» når politikarar langar ut mot migrantar og fattige, seier pave Frans.
- Politiske talar som har ein tendens til å gi migrantar skylda for alt vondt og som tek frå fattige alt håp, er heilt uakseptable, seier paven.
I den årlege fredstalen sin oppfordrar paven politikarane i verda til i staden å fremme fred.
- Fred er basert på respekt for alle personar, seier overhovudet til den katolske kyrkja.
Nasjonalisme er ein av truslane mot fred, fordi det øydelegg tilliten i ei globalisert verd, meiner pave Frans.
Våpensal og terroraksjonar mot sårbare og uskyldige menneske er andre farar, seier han.
(©NPK)
Pave Frans er kritisk til politikarar som går hardt ut mot flyktningar, migrantar og fattige. Foto: AP / NTB scanpix