Pentagon stadfestar at Hamza bin Laden er død
Hamza bin Laden, ein av sønene til Osama bin Laden, blir stadfesta død av Pentagon i USA, etter fleire veker med ubekrefta meldingar frå fleire hald.
USAs forsvarsminister Mark Esper kom med stadfestinga i eit intervju med Fox News onsdag kveld.
- Eg har ingen detaljar om dette. Og om eg hadde det, er eg usikker på kor mykje eg kunne sagt, seier Esper.
I slutten av førre månad dukka det opp ubekrefta meldingar om at bin Laden hadde vorte drepen ein eller annan gong dei siste to åra i ein USA-leidd operasjon. President Donald Trump nekta å kommentere meldingane.
Hamza bin Laden blir antatt å ha vorte fødd på slutten av 1980-talet, og han fekk etter kvart ei rolle det ytterleggåande, væpna islamist-nettverket til faren - al-Qaida.
Organisasjonen stod bak angrepa i USA 11. september 2001. Angrepa kosta nesten 3.000 menneske livet og blir rekna som den dødelegaste terroraksjonen til verdshistoria.
Då Osama bin Laden vart drepen av amerikanske spesialstyrkar i Pakistan i 2011, vart det funne brev som tydde på at han såg for seg Hamza som ein framtidig leiar.
(©NPK)