Politiet åtvarar mot glatte vegar i Trøndelag
Etter fleire ulykker og uhell på glatte vegar, ber politiet i Trøndelag fredag kveld folk køyre varsamt.
I Selbu er ein person sendt med luftambulanse til St. Olavs hospital etter ein frontkollisjon. I tillegg har det vore fleire ulykker og trafikkuhell.
– Vi har ei innstendig oppmoding om at folk må ferdast aktsamt. Det blir meldt om glatte vegar, seier operasjonsleiar Solfrid Lægdheim i Trøndelag politidistrikt til NRK.
(©NPK)