Politiet legg bort melding mot NRK

(NPK-NTB): Politiet har lagt bort meldinga frå Kvinnegruppa Ottar og Kari Jaquesson som meinte NRK-programmet Trygdekontoret braut sexkjøpslova.

npk@npk.no

Publisert: 22.10.2015 kl 15:19

Politiet meiner det ikkje ligg føre «rimelig grunn til å undersøke om det foreligger straffbart forhold», melder NRK.

Bakgrunnen for politimeldinga var NRK-programmet Trygdekontorets bestilling og innkjøp av pornografi.

Underhaldningsredaktør Charlo Halvorsen i NRK seier at bortlegginga ikkje var uventa.

Ane Stø, leiar i Kvinnegruppa Ottar, seier dei vil klage.

Jaquesson har kritisert at NRK tidlegare i år brukte lisenspengar til å leige eit par i California til å spele inn ein pornofilm etter manus frå programleiar Thomas Seltzer.

I ei utgåve av Trygdekontoret som blei sendt 7. april i år, blei Kari Jaquesson parodiert av ein innleigd pornoskodespelar etter å ha kome med kritikken. (©NPK)