Politimann frikjent for seksuell omgang med kollega
Ein politimann som i tingretten vart dømd for å ha misbrukt stillinga si til å få seksuell omgang med ein kollega, er frikjend i ankesaka.
Mannen vart i første rettsrunde dømd til fengsel i sju månader. I ankesaka meinte fleirtalet at han ikkje handla forsettleg, og at han skulle frikjennast, melder VG.
Han må betale oppreising på 80.000 kroner til kvinna. Mannen jobba i Aust politidistrikt då hendinga skjedde.
– Det har vore ei belastning for han å ha dette hengande over seg i to år med trussel om fengselsstraff. Han håpar no å kunne sjå framover og komme seg vidare, sjølv om han har sagt opp stillinga si i politiet på grunn av belastningane saka påførte han, seier forsvarar John Christian Elden.
(©NPK)