PostNord bygger ut på Langhus for å møte veksten i netthandel
For å møte den forventa veksten i netthandel, utvidar og moderniserer PostNord terminalen sin ved Langhus i Akershus.
Satsinga aukar kapasiteten til selskapet til 250.000 pakkar per dag. Samtidig vil utbygging av sorteringsanlegget gi meir automatisert terminalhandtering og betre leveringspresisjon.
Det skal byggast ut i alt 10.000 m². Utbygginga startar i 2. kvartal i år og skal stå ferdig i 3. kvartal neste år.
- Vi forventar ferdigstilling i midten av september, så den nye terminalen skal vere godt innkøyrt til Black Friday og julehandelen i 2020, seier fungerande konsernsjef Annemarie Gardshol i PostNord.
PostNord hadde i fjor 30.000 tilsette og ei omsetning på over 37 milliardar svenske kroner. Morselskapet er eit svensk aksjeselskap med hovudkontor i Solna.
(©NPK)
Netthandel tar stadig meir marknad. For å møte veksten, utvidar og moderniserer PostNord sin terminal ved Langhus i Akershus. Foto: Gorm Kallestad / NTB scanpix