President Xi seier Kina aldri vil søke hegemoni
Kinas president Xi Jinping seier Kina aldri vil søke økonomisk hegemoni, trass i at landet får større og større innverknad på verdsøkonomien.
- Kinas utvikling er ingen trussel for andre land. Uansett kor mykje Kina utviklar seg vil vi aldri søke hegemoni, seier Xi.
Fråsegna kjem i ein tale tysdag i samband med markeringa av at det er 40 år sidan landet innførte dei svært vellukka økonomiske reformene sine.
I talen forplikta Xi seg til ein opnare økonomi, men han kunngjorde ikkje noko tiltak for å motarbeide nedgang eller for å betre handelsforholdet mellom Kina og USA.
Kinas stadig veksande globale innverknad har ført til at nokre nasjonar har uttrykt bekymring.
(©NPK)
Kinas president Xi Jinping.
Foto: AP / Mark Schiefelbein / NTB scanpix