Putin-kritikar arrestert ved lauslating
Den russiske opposisjonspolitikaren Aleksej Navalnyj vart måndag arrestert på nytt etter å ha sona 30 dagar i fengsel for ein uautorisert protest.
Det melder AFP.
- Aleksej Navalnyj vart arrestert utanfor soningsstaden, skiv talskvinna hans Kira Jarmysj på Twitter. Vidare opplyser ho at han er frakta til eit fengsel sentralt i Moskva.
Navalnyj vart fengsla 25. august for å ha oppfordra til ein massedemonstrasjon i januar i år. Ifølgje påtalemakta var demonstrasjonen ulovleg.
42 år gamle Navalnyj har blitt arrestert fleire gonger tidlegare, og i vår sona han ein månad i fengsel etter å ha organisert protestar mot president Vladimir Putin.
(©NPK)
Navalnyj blir arrestert idet han forlèt soningsstaden. Foto: Dmitrij Serebrjakov / AP / NTB scanpix