Rambo tilbake i landslagsvarmen – O'Sullivan får kvile
Veteranen Christoffer Rambo er blant eliteseriespelarane som får sjansen i handballsjef Christian Berges tropp til firenasjonersturneringen i Trondheim.
31-åringen Rambo har vist seg fram sidan returen til norsk handball og Runar Sandefjord, og han blir belønna med ein plass i 22-mannsstroppen.
Noreg møter Danmark, Nederland og Frankrike i turneringa i Trondheim første veka i november. Opningskampen mot Danmark går 4. november.
Forutan Rambo er to nye eliteseriespelarar med i troppen. Sandar Drange Heieren frå Drammen er inne på målvaktplass, medan Elverums strekspelar Thomas Solstad òg er med etter å ha vore reserve under OL.
Heieren er landslagsdebutant.
Sidan Tokyo-leikane har Magnus Jøndal, Bjarte Myrhol og Espen Christiansen lagt opp. Magdeburg-kaptein Christian O'Sullivan blir kvilt til den kommande samlinga.
Troppen:
Målvakter: Torbjørn Bergerud (GOG), Sander Drange Heieren (Drammen), Kristian Sæverås (Leipzig).
Utespelarar: Vetle Eck Aga (Sävehof), Sebastian Barthold (Ålborg), Kristian Bjørnsen (Ålborg), Alexander Blonz (Pick Szeged), Magnus Fredriksen (Wetzlar), Magnus Gullerud (Magdeburg), Kevin Gulliksen (Göppingen), Gøran Johannessen (Flensburg), Simen Holand Pettersen (Elverum), Christoffer Rambo (Runar Sandefjord), Harald Reinkind (Kiel), Magnus Abelvik Rød (Flensburg), Sander Sagosen (Kiel), Thomas Solstad (Elverum), Erik Toft (Mors Thy), Kent Robin Tønnesen (Pick Szeged), Petter Øverby (Erlangen), Sander Øverjordet (Mors-Thy), William Aar (Ribe-Esbjerg).
(©NPK)
Christoffer Rambo er klar for firenasjonersturnering med håndballherrane i Trondheim.
Foto: Stian Lysberg Solum / NTB