Redningsbåten Aquarius er fråteken registrering
Aquarius, det siste private redningsskipet som har operert sentralt i Middelhavet, har mista registreringa.
Leger Uten Grenser, som saman med organisasjonen SOS Mediterranee har drifta skipet, reagerer sterkt på at det Panama-registrerte skipet ikkje lenger får segle.
- Dette vil ha alvorlege konsekvensar for hundrevis av sårbare menn, kvinner og barn som ønsker tryggleik i Europa, men som no risikerer å drukne fordi humanitærhjelp blir nekta på Middelhavet, seier nødhjelpsansvarleg i Leger Uten Grenser Karline Kleijer.
Organisasjonen skuldar den italienske regjeringa for å ha pressa Panama til å trekke tilbake registreringa.
(©NPK)
Aquarius ved hamneanlegget i Senglea på Malta i midten av august. Foto: AP / NTB scanpix