Rekordmange kvinner i Underhuset

Rekordmange av dei nyvalde medlemmene til det britiske Parlamentet er kvinner, viser ei oppteljing.

220 av dei 650 nyvalde medlemmene er kvinner, viser ei oversikt som nyheitsbyrået Press Association (PA) har utarbeidd.

Labour er partiet med størst del kvinner i Underhuset. 104 av dei 203 parlamentarikarane til partiet er kvinner. Blant toryane er kvar fjerde av dei 365 parlamentsmedlemmene av partiet kvinne. 64 prosent av representantane til Liberaldemokratane er kvinner.

I den utgåande forsamlinga var 208 av representantane kvinner.

(©NPK)