Riksrevisjonen fann vesentlege feil i fem rekneskap
Riksrevisjonens gjennomgang av budsjettåret 2017 avdekte vesentlege feil i fem av 217 rekneskap frå statlege verksemder.
Det kjem fram i den årlege revisjonen som vart lagt fram torsdag.
- Dei fleste rekneskapane har vi altså ingen vesentlege merknader til, og for 2017 gjaldt dette ansvarsområda til ti departement og Statsministerens kontor, seier riksrevisor Per-Kristian Foss.
Riksrevisjonen opplever at feil som blir påpeikt undervegs i revisjonen, blir retta opp av verksemdene. I tillegg er det påpeikt brot på økonomisk-administrative regelverk av tre verksemder, heiter det i ei pressemelding.
(©NPK)
Riksrevisor Per-Kristian Foss melder om feil i fem av 217 rekneskap som er gjennomgått for budsjettåret 2017. Arkivfoto: Håkon Mosvold Larsen / NTB scanpix