Russiske rublar blir innførte i okkuperte Kherson
Okkupasjonsstyret i den russiskkontrollerte regionen Kherson i Ukraina innfører russiske rublar som offisielle valuta, ved sida av ukrainske hryvnja.
– I dag vil vi utskrive eit dekret som formaliserer bruken av to valutaer i Kherson-regionen. Det gir alle som driv handel rett – og seinare plikt – til å oppgi prisar i to valutaer, hryvnja og rublar, seier leiaren for det russiskvennlege regionsstyret, Vladimir Salso, i ei videomelding.
Han kunngjorde at den offisielle kursen blir 2 rublar mot 1 hryvnja.
Kherson var den første større ukrainske byen som fall etter den russiske invasjonen, som starta 24. februar. Det gir rubelen noko høgare verdi enn dagens kurs. Ei veke før krigen starta kosta 1 hryvnja rundt 2,69 rublar.
(©NPK)