Russland hevdar Ukrainas regjering er nazistisk

I eit intervju med avisa Komsomolskaja Pravda seier Lavrov òg at Russland ikkje ligg i krig med Ukraina.

- Russisktalande borgarar av Ukraina som bur i Donbass, kjempar mot det ukrainske regimet. Det har alle kjenneteikna til eit nazistisk og nynazistisk regime, seier Lavrov.

Russiske styresmakter og media har tidlegare ei rekke gonger åtvara mot oppblomstringa av nynazisme og høgreekstremisme i Ukraina.

Prorussiske separatistar i Donbass-området i Aust-Ukraina har lege i væpna konflikt med regjeringsstyrkane i landet i over fire år. Ifølgje Nato har opprørarane fått omfattande støtte frå Russland.

(©NPK)

Russlands utanriksminister Sergej Lavrov. Foto: Luca Bruno / AP / NTB scanpix