Russland vil byggje ny romstasjon
Den internasjonale romstasjonen (ISs) er klar for skraphaugen om sju til ti år, så no planlegg russarane å byggje ein ny.
– Det er framleis uklart om den nye stasjonen skal vere internasjonal eller nasjonal. Det er noko som vil bli bestemt i nær framtid, seier direktør Dmitrij Rogozin i det russiske romfartsprogrammet Roskosmos til Komsomolskaya Pravda.
Han kjem ikkje med nokon tidsplan, men seier planlegginga vil byrje snart.
Dagens romstasjon er bygd av USA og Russland og har vore i kontinuerleg drift dei siste to tiåra, i det som har vore eit heilt spesielt samarbeid mellom dei to romfartsrivalane.
(©NPK)
Den internasjonale romstasjonen kan haldast i drift i sju til ti år til, meiner russarane, som vil begynne å førebu bygginga av ein arvtakar snart. Arkivfoto: Nasa / NTB scanpix