Sandvolleyjentene skal spele om femteplass
Begge dei norske para tapte utslagskampane sine i kontinentalcupen i sandvolleyball for kvinner i Austerrike fredag. Dei skal ut i kamp om femteplassen laurdag.
Ane Guro Hjortland og Sunniva Helland-Hansen tapte utslagskampen sin 0–2 (19–21, 24–26) for det italienske paret Claudia Scampoli og Margherita Bianchin. Laurdag skal dei opp mot Marta Ozolina og Luize Skrastina frå Latvia.
Ingrid Lunde og Emilie Olimstad tapte 0–2 (15–21, 19–21) for italienarane Marta Menegatti og Francesca Michieletto. Dei møter Anete Namike og Varvara Brailko frå Latvia i den neste kampen.
(©NPK)
Emilie Olimstad med ryggen til. Foto: Joel Marklund / AP / NTB.