Sæternes ferdig i Sandnes Ulf etter sesongen
Bengt Sæternes (44) får ikkje ny kontrakt som hovudtrenar i Sandnes Ulf etter årets sesong.
Bengt Sæternes (44) får ikkje ny kontrakt som hovudtrenar i Sandnes Ulf etter årets sesong.
Sandnes-klubben vil i staden finne ein ny hovudtrenar frå 2020.
Sæternes tok over trenaransvaret etter nedrykket frå eliteserien i 2014, men han har ikkje klart å løfte blåtrøyene tilbake til øvste nivå.
På fire sesongar i 1. divisjon har det vorte 7.-plass, 4.-plass, 5.-plass og 10.-plass. For augneblinken ligg Sandnes Ulf på 10.-plass etter 19 serierundar.
- Klubben er fornøgd med jobben Sæternes har gjort dei fem åra han har vore her. Han har lagt nye fundament i utviklinga av Sandnes Ulf som toppfotballklubb. Fleire unge, lokale spelarar har fått debuten sin og gjennombrotet sitt under leiinga hans, og dei spelar i klubben eller på høgare nivå, skriv Sandnes Ulf på nettstaden sin.
Klubben opplyser vidare at det framover skal jobbast med å kartlegge kandidatar til jobben som hovudtrenar.
(©NPK)
Bengt Sæternes er inne i sin siste sesong som Sandnes Ulf-trener.
Foto: Carina Johansen / NTB scanpix