Sekkingstad om tida i fangenskap: – Vi blei ein samansveisa gjeng

(NPK-NTB): Kjartan Sekkingstad fortalde at han og dei andre gislane blei ein samansveisa gjeng som tok godt vare på kvarandre då dei blei haldne som gislar på Filippinane.

npk@npk.no

Publisert: 23.09.2016 kl 09:04

– Vi blei lenka saman med handjern kvar kveld etter aftenbønna. Robert og Marites blei lenka saman, medan John og eg blei lenka saman, fortalde 57-åringen då han møtte pressa etter å ha landa på Gardermoen ved 6.40-tida fredag.

Robert Hall, hans filippinske kjærast Marites Flor og John Ridsel blei alle haldne fanga hos den islamistiske Abu Sayyaf-geriljaen saman med nordmannen.

– Viss ein eller annan måtte på toalettet, så måtte den andre og bli med. Vi blei ein samansveisa gjeng, vi tok godt vare på kvarandre, sa Sekkingstad. (©NPK)