Sigarettsalet i USA auka for første gong på 20 år
Grossistfirma i USA selde 203,7 milliardar sigarettar i USA i 2020. Det var ein auke frå året før.
Studien frå Den føderale handelskommisjonen (FTC) viser at dette svarer til ein auke på 0,4 prosent, den første auken på 20 år.
Altria, som produserer det kjende sigarettmerket Marlboro, har tidlegare hevda at koronapandemien førte til ein auke i etterspurnaden. I tillegg har ein del røykjarar bytt tilbake til konvensjonelle produkt på grunn av strengare regulering av e-sigarettar.
FTC-studien noterer òg at tobakksindustrien brukte 7,8 milliardar dollar på reklame i fjor, mot 7,6 milliardar året før.
(©NPK)
Sigarettsalet i USA auka i fjor, for første gong på 20 år. Illustrasjonsfoto: Stian Lysberg Solum / NTB