Siv Jensen varslar asylinnstrammingar

Utfordringa med å få neste års statsbudsjett til å gå opp samtidig som asylrekninga skal betalast kjem til å bli eit sentralt tema på landsstyremøtet i Framstegspartiet i helga.

Sigeren til partiet i forslaget til statsbudsjett om auka utbetaling til gifte og sambuande pensjonistar er under angrep frå stadig fleire av dei andre partia. Jensen seier til NTB at for henne handlar det om å få asylutgiftene ned.

– Kostnadene knytt til det å ta imot asylsøkjarar er for høge, og det er nødvendig med kostnadsreduserande tiltak, seier finansministeren. (©NPK)