Sjuk Haaland kan miste seriekamp
Målmaskina Erling Braut Haaland (19 er forkjølte og måtte droppe både trening og ein planlagt pressekonferanse fredag, melder VG.
Salzburg-spissen skulle i utgangspunktet hatt pressekonferanse fredag ettermiddag på grunn av den enorme interessa rundt seg etter kanondebuten på tysdag i Meisterligaen.
Haaland skåra hat-trick før pause då Salzburg banka Genk 6-2. Etter det har det strøymt inn intervjuførespurnader frå over 50 ulike medium.
- Men Erling har vorte forkjølt. Inga trening eller pressekonferanse i dag, seier mediesjef Christian Kircher i Salzburg til VG.
Kircher seier det er uvisst om Haaland kan spele seriekampen på søndag borte mot LASK.
(©NPK)
Erling Braut Haaland er vorten forkjølt og måtte avlyse ein planlagd pressekonferanse i Salzburg.
Foto: Tom Hansen / NTB scanpix