Skodespelar Kari Onstad (79) er død
Skodespelar og songar Kari Onstad døydde natt til onsdag, 79 år gammal.
Det opplyser familien på Facebook, skriv NRK.
Kari Onstad gjekk ut frå Statens teaterhøgskole i 1965 og har sidan gjort fleire roller innan teater og film.
Ho debuterte som skodespelar på Trøndelag Teater i 1969, og var seinare tilsett ved Den Nationale Scene og Nationaltheatret. Ei av dei siste rollene hennar var i den kritikaroste filmen «Som du ser med» i 2012.
Ho hadde òg roller i TV-seriane «Wisting» og «Neste Sommer» dei siste åra.
Onstad var gift med teaterregissør Stein Winge og er mor til skodespelar Victoria Winge.
(©NPK)