Skot gjekk av i våpenrom hos politiet

Ulukka skjedde på ei driftseining i Hordaland tysdag denne veka, opplyser Vest politidistrikt.

Skotet gjekk av i samband med nedspenning inne på våpenrommet etter enda teneste. Tenestemannen var aleine, og ingen blei skadde. Skotet gjekk ned i ei tjukk treplate.

Hendinga er rapportert til Politidirektoratet og kjem til å bli følgt opp internt i distriktet. (©NPK)