Slottet er dårleg sikra mot terror

Ekspertar på tryggleik reagerer på at ikkje noko er gjort etter rapporten som for to år sidan peikte på grunnleggjande svakheiter i tryggleiken, melder NRK.

Det er berre eit par veker sidan ein sinnsforvirra mann køyrde ein varebil heilt opp framfor bygninga og sprang vekk. Då vart pansra politibilar køyrde fram for å verke som skjold dersom ei bombe skulle gå av.

– Kven som helst kan berre svinge inn og køyre opp til slottet. Det er ingenting som stoppar ein bil i å køyre heilt fram, seier spesialrådgjevar Gunnar Angeltveit til NRK.

Uro hans blir delt av sikkerheitsforskar Sunniva Frislid Meyer ved Transportøkonomisk institutt. Ho seier at gardistane rundt Slottet sikkert greier å kontrollere ustabile personar, men peikar på at dei truleg ikkje ville greidd å stoppe ein bil med sprengstoff.

– Eg tenkjer at det sikkert er eit økonomisk spørsmål, at ein vurderer at risikoen ikkje er så høg og konsekvensane ikkje alvorleg nok til å innføre ordentlege køyretøysavgrensingar rundt heile parken, seier Meyer. (©NPK)