Sognefjellet vinterstengt
Fylkesveg 13 over Gaularfjellet er opna igjen etter å ha vore stengd på grunn av ras, mens fylkesveg 55 over Sognefjellet er stengd for vinteren.
Sognefjellet var først stengt på grunn av uvêr, men måndag ettermiddag opplyser Statens vegvesen at vegen er vinterstengt.
Dei andre vinteropne fjellovergangane inn og ut av Sogn og Fjordane er opne. Sogn Avis skriv at det er snø- og isdekke på vegane, og dessutan lette snøbyer og laber bris i store delar av fylket.
(©NPK)