SOHR: Syriske regimestyrkar tar kontroll over by
Syriske regimestyrkar har tatt full kontroll over ein strategisk viktig by i Idlib-provinsen nordvest i landet, ifølgje eksilgruppa SOHR.
- Regimestyrkar tok full kontroll over byen Khan Sheikhoun og er no i gang med å fjerne miner som er lagt ut i byen, sa Rami Abdulrahman, leiar for den britiskbaserte eksilgruppa Syrian Observatory for Human Rights (SOHR), onsdag ettermiddag.
Dagane før hadde det vore store samanstøytar mellom regimestyrkar og opprørarar og jihadistar i byen, som ligg nordvest i landet.
Opprørarar tok kontroll over byen for fem år sidan. Laurdag gjekk regimestyrkar inn i byen. Natt til søndag vart 59 opprørarar og 29 regimevennlege soldatar drepne i kampar, ifølgje SOHR.
(©NPK)