Solberg opna testanlegg for CO2-transport
Statsminister Erna Solberg opna fredag det nye testanlegget for CO2-transport i Porsgrunn. Testinga er eit ledd i arbeidet med karbonfangst og -lagring.
– Den jobben de gjer her, er eit viktig bidrag i strategien til regjeringa for karbonfangst og -lagring, sa statsminister Erna Solberg på opninga, ifølgje ei pressemelding frå Equinor.
På testanlegget blir det frakta CO2 i gass- og væskeform i røyr. Det er det største testanlegget i verda for CO2-transport.
Karbonfangst og -lagring blir rekna som eit viktig ledd i å redusere klimagassutslepp. I Noreg er Equinor og fleire andre selskap i gang med Northern Lights-prosjektet, der målet er å utvikle ei løysing for å fange CO2 frå sementfabrikken til Norcem i Brevik i Porsgrunn kommune.
CO2-en skal i flytande form deretter fraktast til Øygarden kommune og injiserast og lagrast under havbotnen.
(©NPK)
Statsminister Erna Solberg markerte fredag oppstarten av testanlegget for røyrtransport av CO2 under besøket hos Equinor på Herøya i Porsgrunn kommune. Foto: Terje Bendiksby / NTB / NPK