Solberg: Vi står saman med Frankrike

(NPK-NTB): – Mine djupaste kondolansar går til offera for angrepet i Nice og familiane deira, seier statsminister Erna Solberg (H).

npk@npk.no

Publisert: 15.07.2016 kl 07:41

Sist oppdatert: 15.07.2016 kl 08:23

– Vi står saman med Frankrike for å få slutt på terrorhandlingane, skriv Solberg på Twitter.

I alt 84 menneske er stadfesta døde etter at ein lastebil køyrde inn i ei folkemengd under markeringa av den franske nasjonaldagen i Nice seint torsdag kveld.

– Så meiningslaust, så brutalt, så vondskapsfullt. Mine tankar er hos offera, hos alle som har mista ein nær og kjær. Og hos det franske folket, som enda ein gong blir ramma. Vi skal framleis stå skulder til skulder – i kampen mot terror, og for demokrati, skriv statsministeren på Facebook-profilen sin. (©NPK)