Solid premiepott ventar Rosenborg

For i tillegg til å ta seriegullet og få moglegheita til å kjempe i Europa, gir eit seriegull snautt 22 millionar kroner i klubbkassa, skriv Adresseavisen.

I tillegg til at alle lag i eliteserien får 5,2 millionar kroner kvar, får serievinnaren 16,7 millionar kroner. Det gir ein totalsum på 21.863.951 millionar.

Resten av den totalt 83,3 millionar store pengepotten, fordelt av Norsk Toppfotball, blir fordelt ut ifrå tabellposisjon.

– Frå nokre av våre store samarbeidspartnarar får vi ein ekstra bonus viss vi tek seriemeisterskapen, opplyser Rosenborgs organisasjonssjef Trond Alstad til Adressa.

Bak Rosenborg på tabellen er det hard kamp om andre- og tredjeplassen. Og forskjellen på sølv og bronse er større enn berre valør.

Medan laget som tek bronse totalt får 15.200.652 kroner, får andreplassen 3.331.650 kroner meir. Per no er det Brann som har sølvplass, men laget frå Bergen er à poeng med Odd på tredjeplass. Like bak ligg Haugesund.

For Brann blir det uansett ein stor opptur med tanke på kva klubben hadde budsjettert med før sesongstart.

– Vi hadde budsjettert med å vere på nedre del av tabellen. Det er framleis nokre kampar igjen av sesongen, så vi har ikkje lagt planar om kva dei eventuelt skal brukast til. No skal vi konsentrere oss om dei siste kampane, seier dagleg leiar, Vibeke Johannesen i Brann. (©NPK)