Sør-Korea skrur på propaganda-høgtalarar att

Dei sørkoreanske høgtalarane står langs grensa til Nord-Korea og har fleire gonger blitt brukt til å spreie propaganda og politiske bodskap inn i det lukka nabolandet. I august i fjor blei dei skrudd av i tråd med ein avtale det to landa inngjekk for å dempe spenninga.

Fredag blir det igjen skrudd på, ifølge styresmaktene i Seoul. Det skjer etter at Nord-Korea sprengte ei kjernefysisk bombe onsdag.

– Nord-Koreas fjerde atomsprenging er brot på internasjonale forpliktingar, og eit grovt brot på avtalen vi inngjekk i august. Derfor har regjeringa vedtatt å skru på høgtalarane fredag kveld, seier ein talsperson for sørkoreanske styresmakter. (©NPK)