Spanias konge avlyser Catalonia-besøk
Spanias kong Felipe avlyser deltaking i innsetjingsseremonien for nye dommarar i Catalonia, av frykt for valdelege demonstrasjonar.
Kongen har avlyst deltakinga på den årlege innsetjingsseremonien på fredag fordi regjeringa ikkje tillèt nærværet hans, melde kringkastaren RTVE torsdag.
Frykta er at det kan oppstå konfrontasjonar med katalansk sjølvstenderørsle og moglege valdelege demonstrasjonar, melder lokale medium.
Visestatsministeren, Carmen Calvo, seier til El País at avgjerda er god, medan dommarforeininga APM krev ei forklaring.
Kong Felipe har komme med sterk kritikk mot Catalonias ønske om sjølvstende. Sjølvstenderørsla i Catalonia er motstandar av kongehuset.
(©NPK)