Spansk trålar tatt for botntråling i naturreservat

Det var Kystvakta som oppdaga at trålaren hadde fiska innanfor grensene til naturreservatet. Sysselmannen vart varsla og fartøyet stansa, opplyser Sysselmannen.

– Mange tenkjer kanskje ikkje over at dei store verneområda på Svalbard også er oppretta for å ta vare på det marine miljøet. Forbodet mot botntrål skal verne livet på havbotnen, og det er viktig at brot på vernereglane blir følgde opp, slik det er gjort i denne saka, seier miljøvernsjef Knut Fossum.

Botntrål gir store skadar på havbotnen og er derfor ulovleg å bruke i naturreservatet.

Både bota og inndraginga er vedtatt, opplyser Sysselmannen.

Dårleg kartgrunnlag skal ha vore årsaka til at trålaren hamna innanfor grensene til naturreservatet. (©NPK)