Spesialeininga om Bolkesjø-drapet: Politiet vurderte det som tidskritisk å få kontroll på mannen
Spesialeininga seier at politiet på bakgrunn av meldingane dei fekk, vurderte det som tidskritisk å få kontroll på mannen som vart drepen på Bolkesjø.
– Politiet reiste til staden på bakgrunn av melding frå AMK om ein trusselsituasjon knytt til ein mann som verka påverka. På bakgrunn av den opphavlege meldinga frå operasjonssentralen til politiet og ytterlegare informasjon som vart gitt til politiet av vitne og helsepersonell på staden, vurderte politiet det som tidskritisk å få kontroll på mannen, skriv Spesialeininga i ei pressemelding.
På grunn av opplysningane gav politiet ordre om væpning.
– Då politiet kom i kontakt med mannen, oppstod ein situasjon der ein av tenestepersonane fyrte av fleire skot mot vedkommande, skriv Spesialeininga.
(©NPK)
Krimteknikarar på staden der ein mann i 30-åra tysdag ettermiddag vart skoten og drepen av politiet ved Bolkesjø turisthotell i Telemark. Foto: Håkon Mosvold Larsen / NTB