I tretti varmegrader sprang løparane, nokre heile distansen på 42 kilometer, andre halvmaraton eller ti kilometer. Også minimaraton var mogleg, der både med og utan tid kunne veljast. Denne strekte seg gjennom sentrum i ei 4,2 kilometers løype.

– Kom å spring langs Europa sin djupaste innsjø, var oppfordringa.

Tilstellinga utarta seg i og omkring Hornindal Idrettspark, der arrangørane hadde stelt fint til med både kioskområde og utsal av sportsklede i lag med sekretariat og sanitæranlegg.

God gamal årsgong

Deltakarane var i alle aldrar, også langt opp i 60 åra! Eldsjel for maratonløp i Hornindal, Inge Asbjørn Haugen (65-69 år), fullførte denne dagen sitt maratonløp nummer 568, og kom i mål med tida 5.42.09.

Også Kjell Enok Grude og Torstein Øsevik (68 år) frå Klepp I.L. fullførte fint, Dei fekk til og med litt betre plassering enn Haugen, noko dei kan vere svært nøgde med! Grande og Øsevik har vore med i 11 og 13 maratonløp tidlegare, og gir seg ikkje så lett!

– Når ein er litt opp i åra, gjeld det å tilpasse tempoet etter evne, seier Kjell Enok.

– Eg likar å halde meg i form, med springing, sykling og gåturar. Men eg kallar det lysttrening, seier han og humrar. Kona til Torstein Grande, Heidi Øsevik, var med dei som støttekontakt, kunne dei seie vidare.

Deltakarar frå inn og utland

Ikkje berre nordmenn deltok. Her kom det løparar både frå USA, England, Sverige, og Polen. Også frå Estonia kom der eit lag med fem deltakarar, som var på sommarferie her. Ein av desse kunne fortelje at han hadde vore med i maratonløp 185 gongar før!

Nittedøling tok siger

I klassa Maratonløp 42 kilometer var det Hans Chr. Aarnes som sprang fortast. Med tida 2.54.50 kunne han titulere seg som dagens beste. Han er medlem av Nittedal I.L. og ein ihuga maratonløpar!

Har vore skada

Beste kvinne på maratondistanse 42 kilometer vart Mona Grindberg, med tida 3.17.25. Ho kjem frå Verdal Friidrettsklubb og stilte i klassa 45–49 år.

– Eg har vore skada det siste året, men no trur eg det er ok å prøve seg på maraton igjen, kunne ho seie før start. Det er heilt tydeleg at skaden er restituert, men denne prestasjonen. Mona hadde med seg mannen sin, Jon Arild Grindberg, som turfølgje og supporter.

Mor med to søner stilte

Frå Ski hadde Gunhild Nytrøen teke turen til Hornindal med dei to spreke sønene sine, Isak og Iver. Gunhild stilte i klassa halvmaraton, medan Isak og Iver var med på minimaraton. Dei slektar frå Hornindal, og likar godt å springe.

– Då var det lett og naturleg å slenge seg med i dag, kunne Gunhild fortelje.

Sjå stor reportasje frå Hornindal maraton, med mange bilete, i papiravisa fredag.