Stöckl gir ny sjanse til laget som skuffa i sesongstarten
Hoppsjef Alexander Stöckl kom ikkje med nokon overraskingar i uttaket sitt til verdscuprenna i finske Ruka denne veka.
Johann André Forfang vart beste norske i Wisla med tiandeplass søndag, men hoppsjef Stöckl ser ingen grunn til å gjere forandringar på laget.
- Dei same seks hopparane får ein ny sjanse til å vise seg fram. Det var fleire gode enkelthopp, noko som gir von om at vi nærmar oss. Denne veka skal vi bruke til å finjustere teknikken. Gløym heller ikkje at det i ei opningshelg ofte skjer litt uventa ting og ein kan få nokre resultat som overraskar, seier Stöckl i ei pressemelding.
Laget: Anders Fannemel (Hornindal), Johann André Forfang (Tromsø SK), Halvor Eignar Granerud (Asker), Robert Johansson (Søre Ål), Andreas Stjerna (Sprova) og Daniel-André Tande (Kongsberg).
(©NPK)
Alexander Stöckl gir laget fornya tillit i Ruka. Foto: Trond Teigen / NTB scanpix