Staten kan få inn 75 milliardar ekstra på auka oljeprisar i år

Den kraftige oljeprisauken kan gi staten 75 milliardar kroner ekstra inntekter i år. Det kan dekkje minst halvparten av koronautgiftene i fjor.

Handteringa av koronakrisa kosta 126 milliardar kroner over statsbudsjettet i 2020. Årets kostnader er førebels ukjent, men det er liten grunn til å tru på eit lågare beløp. No gir oljeprisauken statskassa 3 til 5 milliardar kroner ekstra kvar månad, skriv Finansavisen.

Om dagens oljepris held seg ut året, får staten inn minst 75 milliardar kroner ekstra, meir enn 6 milliardar kvar månad.

Sidan nyttår er prisen opp 20 dollar, eller over 35 prosent.

I nasjonalbudsjettet anslo Finansdepartementet årets oljepris til 44 dollar, eller 424 kroner, fatet i gjennomsnitt. Måndag morgon var prisen på nordsjøolje 70 dollar fatet. Med dagens dollarkurs gir det 600 kroner fatet, 176 kroner meir enn føresett.

(©NPK)

Ekofisk-feltet i Nordsjøen er med på å pumpe inn pengar i statskassen. No gir høgare oljeprisar Noreg fleire milliardar ekstra kvar einaste månad. Foto: Carina Johansen / NTB