Statnett bygger kraftleidning for 2 milliardar kroner i Rogaland
Statnett SF har fått konsesjon til å bygge ein ny kraftleidning frå Lyse til Fagrafjell i Rogaland. Kostnaden for prosjektet er anslått til to milliardar kroner.
Kraftleidningen på 420 kilovolt (kV) vil gå frå Lyse transformatorstasjon i Forsand kommune til ein ny transformatorstasjon på Fagrafjell i Sandnes og Time kommunar. Statnett skal òg bygge og drifte ein ny transformatorstasjon på Fagrafjell.
Den totale investeringskostnaden for prosjektet er anslått til om lag to milliardar kroner av Statnett. Leidningen skal vere om lag 67 kilometer lang.
- Trygg tilgang til straum er ein berebjelke i eit moderne samfunn. Ein ny leidning frå Lyse til Fagrafjell og ny transformatorstasjon på Fagrafjell betrar forsyningstryggleiken og styrker transmisjonsnettet i Sør-Rogaland, seier olje- og energiminister Kjell-Børge Freiberg i ei pressemelding.
(©NPK)
Olje- og energiminister Kjell Børge Freiberg seier trygg tilgang til straum er ein berebjelke i eit moderne samfunn.
Foto: Carina Johansen / NTB scanpix