Statoil tyngre inn i Utgard-feltet

(NPK-NTB): Statoil har inngått ein avtale om å overta oljeselskapet JX Nippons eigardel og operatørskapet for den britiske lisensen for Utgard-feltet.

npk@npk.no

Publisert: 03.06.2016 kl 09:54

JX Nippons eigardel er på 45 prosent. Etter at Statoil overtok eigardelar i den britiske lisensen P312 frå First Oil i oktober i fjor og Talisman Sinopec i desember, betyr transaksjonen at selskapet aukar sin eigardel i lisensen til 100 prosent.

Statoil er frå før operatør for lisens PL046 på norsk sokkel med ein eigardel på 62 prosent.

Utgard-feltet var tidlegare kjent som Alfa Sentral. Det er eit gass- og kondensatfelt som strekker seg over delelinja mellom Storbritannia og Noreg. Feltet er planlagt utbygd med tilknyting til eksisterande infrastruktur på norsk sokkel.