Statsadvokaten legg bort babyvaldssak i Trondheim

(NPK-NTB): Statsadvokaten legg bort saka mot eit foreldrepar frå Trondheim som har vore sikta for vald mot eit spedbarn. Påtalemakta kan ikkje bevise kven som utøvde valden.

Politiet avslutta etterforskinga nyleg, og statsadvokat Unni Sandøy la bort saka etter bevisstillinga, skriv Adresseavisen.

– Eg skriv at det er sannsynleg at barnet har vore utsett for ei eller anna form for valdsutøving, men at etterforskinga ikkje greier å knyte dette til enkeltpersonar eller ei forsettleg handling, seier ho.

Statsadvokaten baserer opplysninga på at barnet truleg har vore utsett for vald på sakkunnigrapporten frå Arne Stray-Pedersen, overlege ved Folkehelseinstituttet. Han gav ei skriftleg erklæring om skadane til barnet, som viser at det hadde blødingar i hovudet og ribbeinsbrot. Skadane kan kome av filleristing, ifølgje Stray-Pedersen.

Foreldra vart sikta og varetektsfengsla i november etter at helsepersonell melde frå om skadane på barnet. (©NPK)